ഓണത്തിന്റെ സ്നേഹവും സന്തോഷവും പങ്കുവെച്ച് തുടലി വാർഡിൽ ഓണാഘോഷ പരിപാടികൾ വിവിധ കലാ-വിനോദ പരിപാടികളോടെ സംഘടിപ്പിച്ചു. വാർഡിലെ കുടുംബങ്ങളും കുട്ടികളും മുതിർന്നവരും ഒരുമിച്ചുചേർന്ന ആഘോഷം സൗഹൃദത്തിന്റെയും കൂട്ടായ്മയുടെയും മനോഹരമായ വേദിയായി മാറി.
ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ/വാര്ഡ് മെമ്പറും ആയ അനിൽ കെ.യുടെ നേതൃത്വത്തിലും സാന്നിധ്യത്തിലും നടന്ന പരിപാടിയിൽ ഓണത്തിന്റെ പാരമ്പര്യവും നാടൻ സംസ്കാരവും പുതുതലമുറയിലേക്ക് പകരുന്നതിനൊപ്പം ജനകീയ കൂട്ടായ്മയുടെ സന്ദേശവും ഉയർത്തിപ്പിടിച്ചു. വിവിധ മത്സരങ്ങളും കലാപരിപാടികളും ആഘോഷത്തിന് കൂടുതൽ നിറവും ആവേശവും പകർന്നു.
നാട്ടുകാരുടെ സജീവ പങ്കാളിത്തത്തോടെ നടന്ന ഈ ഓണാഘോഷം തുടലി വാർഡിന്റെ ഐക്യവും സൗഹൃദവും വിളിച്ചോതുന്ന മനോഹരമായ അനുഭവമായി മാറി.
