SSLC പരീക്ഷയിൽ എല്ലാ വിഷയങ്ങൾക്കും A+ നേടി മികച്ച വിജയം കൈവരിച്ച ആഷിക് വിൽഫ്രണ്ടിനെ വാർഡ് മെമ്പർ രമ്യ ജെ.ആർ പൊന്നാട അണിയിച്ച് അനുമോദിച്ചു. പഠനമികവിലൂടെ അഭിമാനകരമായ നേട്ടം കൈവരിച്ച വിദ്യാർത്ഥിയെ അഭിനന്ദിക്കുകയും തുടർപഠനത്തിന് എല്ലാ ആശംസകളും നേരുകയും ചെയ്തു. കഠിനാധ്വാനവും ആത്മവിശ്വാസവും ലക്ഷ്യബോധവും കൈമുതലാക്കി നേടിയ ഈ വിജയം മറ്റ് വിദ്യാർത്ഥികൾക്കും പ്രചോദനമാണ്. വിദ്യാർത്ഥികളുടെ കഴിവുകളെയും നേട്ടങ്ങളെയും അംഗീകരിക്കുകയും പ്രോത്സാഹിപ്പിക്കുകയും ചെയ്യുന്നത് അവരുടെ ഭാവി മുന്നേറ്റത്തിന് വലിയ പ്രചോദനമാകുമെന്ന് വാർഡ് മെമ്പർ പറഞ്ഞു. മികച്ച വിജയം നേടിയ ആഷിക് വിൽഫ്രണ്ടിന് നാടിന്റെ അഭിനന്ദനങ്ങളും ആശംസകളും നേർന്നു.
