ഓണത്തിന്റെ സന്തോഷവും സ്നേഹവും സമൂഹത്തിലെ എല്ലാവരിലേക്കും എത്തിക്കുക എന്ന ലക്ഷ്യത്തോടെ ആര്യങ്കോട് ഗ്രാമപഞ്ചായത്തിന്റെ പാലിയേറ്റീവ് കെയർ വിഭാഗത്തിന്റെ നേതൃത്വത്തിൽ കിടപ്പുരോഗികൾക്ക് ഓണക്കിറ്റുകൾ വിതരണം ചെയ്തു. പഞ്ചായത്ത് പ്രസിഡന്റ് അജിതയുടെ നേതൃത്വത്തിൽ പാലിയേറ്റീവ് പരിചരണം ലഭിക്കുന്ന രോഗികളുടെ വീടുകളിലെത്തിയാണ് ഓണക്കിറ്റുകൾ കൈമാറിയത്. ആരോഗ്യപ്രശ്നങ്ങളാൽ വീട്ടിൽ കഴിയുന്നവർക്കും ഓണാഘോഷത്തിന്റെ സന്തോഷം പങ്കിടുന്നതിനുള്ള അവസരമൊരുക്കിയ ഈ പ്രവർത്തനം കരുതലിന്റെയും സഹാനുഭൂതിയുടെയും മനോഹരമായ മാതൃകയായി. പഞ്ചായത്ത് ജനപ്രതിനിധികൾ, പാലിയേറ്റീവ് കെയർ പ്രവർത്തകർ, ആരോഗ്യപ്രവർത്തകർ എന്നിവരുടെ കൂട്ടായ പരിശ്രമത്തിലൂടെയാണ് ഓണക്കിറ്റുകൾ അർഹരായവരിലേക്ക് എത്തിച്ചത്.
സാന്ത്വനത്തിന്റെ കരുതലുമായി ആര്യങ്കോട് ഗ്രാമപഞ്ചായത്ത്
